Ózbekstan Shardaraǵa sý aǵynyn eki ese arttyrady

ASTANA. QazAqparat - Qazaqstannyń Ekologııa jáne tabıǵı resýrstar mınıstri Zúlfııa Súleımenovanyń Ózbekstanǵa issaparynyń nátıjesi boıynsha ózbek tarapymen Shardara sý qoımasyna sý aǵynyn 200 m3/sek deıin ulǵaıtý týraly ýaǵdalastyqqa qol jetti, dep habarlaıdy QazAqparat.

28 shildedegi jaǵdaı boıynsha saǵat 7:30-dan bastap (Tashkent ýaqytymen) «Dostyq» bas qurylysynan Syrdarııa ózeniniń tusyna sý aǵyzý kólemi - 20 m3/sek bolady.

Aǵyn «Aqjar» gıdropostyna («Bahrı Tochık» sý qoımasyna aǵyn) aǵynnyń ulǵaıýy jáne tıisinshe sý qoımasynan aǵynnyń ulǵaıýy esebinen júzege asady.

Sonymen qatar, ózbek tarapy «Dostyq» bas qurylysynan Syrdarııa ózeniniń tusyna aǵyzylatyn sý shyǵynyn 50 m3/sek deıin jetkizýge nıetti.

Sonymen qatar, sol kúni Charvak sý qoımasynan (Gazalkent GES) ótken kúnmen salystyrǵanda (27 shilde) sý jiberý 290 m3/sek-ten 310 m3/sek deıin ulǵaıtyldy.

Alaıda bul sý kólemi Syrdarııa ózeniniń bógetinde sý aǵyzýdy júzege asyrý úshin jetkiliksiz jáne Chırchık ózeniniń basseıninde sýarý qajettiligi úshin sý sharýashylyǵy arnalary arqyly jiberiledi.

Aıta keteıik, 27 shildedegi jaǵdaı boıynsha Charvak sý qoımasyndaǵy sý kólemi - 1936 mln tekshe metr (eń joǵarǵy kólemi - 2006 mln tekshe metr).