Ózbekstan Prezıdenti OA elderine vaktsınatsııa sertıfıkattarynyń biryńǵaı júıesin iske qosýdy usyndy

TÚRІKMENBAShY. QazAqparat – Ózbekstan koronavırýsqa qarsy vaktsınatsııa sertıfıkattaryn taný boıynsha Ortalyq Azııa elderiniń biryńǵaı aqparattyq júıesin iske qosýdy usyndy. Bul týrlaly Túrikmenstanda ótken OA elderi basshylarynyń Konsýltatıvtik keńesinde Ózbekstan Respýblıkasynyń Prezıdenti Shavkat Mırzıeev málim etti, dep habarlaıdy QazAqparat menshikti tilshisi.

Shavkat Mırzıeev Ortalyq Azııa óńiri elderin pandemııamen kúreste tyǵyz úılestirý jáne ózara kómek kórsetý máselesin talqylaý barysynda birqatar bastamany atap ótti.

«Testileý nátıjeleri men vaktsınatsııa sertıfıkattaryn taný boıynsha biryńǵaı aqparattyq júıeni iske qosýdy, ınfektsııalyq aýrýlardyń aldyn alý, dıagnostıkalaý jáne emdeý, medıtsına qyzmetkerlerin daıarlaý salasynda tájirıbe almasýdy keńeıtýdi, farmakologııa salasynda ǵylymı yntymaqtastyqty jáne ómirlik mańyzy bar dárilik preparattardy óndirý boıynsha kooperatsııany jolǵa qoıýdy usynamyz», – dedi Ózbekstan Prezıdenti.

Túrikmenstan Prezıdenti Gýrbangýly Berdimuhamedovtiń tóraǵalyǵymen ótken sammıtke Qazaqstan Respýblıkasynyń Prezıdenti Qasym-Jomart Toqaev, Ózbekstan Respýblıkasynyń Prezıdenti Shavkat Mırzıeev, Qyrǵyz Respýblıkasynyń Prezıdenti Sadyr Japarov, Tájikstan Respýblıkasynyń Prezıdenti Emomalı Rahmon, sondaı-aq BUU Bas hatshysynyń Ortalyq Azııa boıynsha arnaıy ókili, Ortalyq Azııa úshin preventıvtik dıplomatııa jónindegi óńirlik ortalyqtyń basshysy Natalıa German qatysty.

Avtory: Mádibek Jánibekov