Ózbekstan Prezıdenti 261 tutqynǵa raqymshylyq jasady

TAShKENT. QazAqparat - Ózbekstan Prezıdenti Shavkat Mırzıeev memleket táýelsizdiginiń 27-jyldyǵyna oraı 261 tutqynǵa raqymshylyq jasady. Bul týraly uza.uz agenttigi habarlady.

Prezıdent jarlyǵyna sáıkes jazany oryndaý mekemelerinen 215 adam bosatylady,  sondaı-aq 46 adamnyń  tutqyndalý merzimi qysqartylatyn bolady.

Tıisti mınıstrlikter men vedomstvolarǵa raqymshylyq jasalǵan tulǵalardyń áleýmettik jaǵynan beıimdelýine, olardyń paıdaly eńbekke tartylýyna, qoǵamnan laıyqty oryndaryn tabýyna kómek kórsetý tapsyryldy.