Ózbekstan prezıdenti jemqor sheneýnikterdi ustaý sharasyna qatysty pikir bildirdi

<p>Ózbekstan prezıdenti Shavkat Mırzıeev rýhanııat jáne aǵartý máseleleri jónindegi respýblıkalyq keńeste el boıynsha júrgizilip jatqan qylmys áleminiń serkeleri men jemqor sheneýnikterdi ustaý sharasyna qatysty pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

«Sońǵy ýaqytta qylmys pen sybaılas jemqorlyqqa qarsy kúres boıynsha jedel is-sharalar júrgizilip jatyr. Eger kimde-kim zańǵa baǵynbaı, memleket pen qoǵamǵa zııan keltirse, biz oǵan qarap otyra almaımyz. Meıli ol qylmystyq toptar bolsyn, sybaılas jemqorlyqqa barǵan sheneýnikter bolsyn», - dedi Shavkat Mırzıeev.

Prezıdent Ózbekstannyń kósheleri men mahallalary beıbit ári qylmystan ada bolý kerektigin atap ótti.

«Jańa Ózbekstanda zań ústemdigi ornap, qylmys úshin jaza qatań bolýy kerek», - dep túıindedi Shavkat Mırzıeev.

Eske sala keteıik, buǵan deıin Ózbekstanda 120-dan astam uıymdasqan qylmystyq top músheleri ustalǵanyn jazyp edik.