Ózbekstan prezıdenti TMU elderin Palestına máselesinde birlesken ustanym tanytýǵa shaqyrdy

<p>Astanada ótip jatqan Túrki memleketteri uıymynyń H sammıtinde Shavkat Mırzıeev Ózbekstan prezıdenti TMU elderin Palestına máselesi boıynsha birlesken ustanym kósretýge shaqyrdy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

«Taıaý Shyǵystaǵy Izraıl men Palestına arasyndaǵy qaqtyǵys máselesi bárimizdi alańdatyp otyr. Áskerı qaqtyǵys saldarynan beıbit halyqtyń arasynda kóptegen adamdar, áıelder, balalar qaza bolyp jatyr. Sonymen qatar bul qaqtyǵystyń odan ári ýshyǵý qaýip-qateri paıda boldy. Osy kezekte biz barlyq taraptardy atysty toqtatyp, gýmanıtarlyq sharalardy iske asyrý úshin beıbitshilik ornatýǵa shaqyramyz», - dedi Ózbekstan basshysy.

Onyń paıymynsha, máseleni ádiletti sheshýdiń jalǵyz joly – Birikken Ulttar Uıymynyń atalmysh eki elge arnalǵan qarardyń talaptaryn oryndaý.

«Palestına da óziniń táýelsiz memleketin qalyptastyrýǵa quqyly. Bizdiń uıym aıasynda búkil álemge ózimizdiń birlesken qaǵıdatymyzdy, ustanymymyzdy kórsetýimiz kerek", - dedi Shavkat Mırzıeev.

Eske salaıyq, búgin Astanada Túrki memleketteri uıymynyń H sammıti ótip jatyr. 

Jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan Premer-mınıstri men Túrikmenstan basshysy baqylaýshy eldiń basshylary retinde qatysady.

TMU sammıti «Túrki dáýiri» uranymen ótedi. 

Búgin Syrtqy ister mınıstrliginde Túrki memleketteri uıymynyń syrtqy ister mıınstrleri keńesiniń jabyq otyrysy ótti. 

Sharada QR Syrtqy ister mınıstri Murat Nurtileý Izraıl-HAMAS qaqtyǵysyndaǵy Qazaqstan ustanymyn aıtty.