Ózbekstan prezıdenti Qytaıǵa memlekettik saparmen barady

<p>TAShKENT. KAZINFORM &ndash; Qytaı Halyq Respýblıkasynyń Tóraǵasy Sı Tszınpınniń shaqyrýymen Ózbekstan prezıdenti Shavkat Mırzıeev 23-25 qańtar aralyǵynda osy elge memlekettik saparmen barady, dep habarlaıdy Kazinform agenttiginiń menshikti tilshisi Álıhan Asqar.</p>

Ózbekstan basshysynyń baspasóz qyzmetinen málimdegendeı, sapardyń baǵdarlamasyna sáıkes, joǵary deńgeıdegi kelissózder, sondaı-aq birqatar ekijaqty kezdesý ótkizý josparlanǵan. Onyń barysynda ózbek-qytaı qatynastaryn odan ári nyǵaıtý jáne jan-jaqty strategııalyq áriptestikti keńeıtý máseleleri talqylanbaq. 

Sonymen qatar Ózbekstan prezıdenti Qytaı óńirleriniń birine baryp, jetekshi kompanııalar men bank-qarjy ınstıtýttarynyń basshylarymen kezdesý ótkizedi.