Ózbekstan prezıdenti «Qytaı-Qyrǵyzstan-Ózbekstan» temirjol jobasyna qatysýshylarǵa beıneúndeý joldady

<p>TAShKENT. KAZINFORM &ndash; 6 maýsymda Beıjińde &laquo;Qytaı-Qyrǵyzstan-Ózbekstan&raquo; temir jolyn salý jónindegi strategııalyq jobany júzege asyrý týraly kelisimge qol qoıý rásimi ótti, dep habarlaıdy Ózbekstan prezıdentiniń <a href="https://president.uz/uz/lists/view/7293" target="_blank" rel="noopener">baspasóz qyzmeti.</a></p>

Ózbekstan Respýblıkasynyń Prezıdenti Shavkat Mırzıeev is-sharaǵa qatysýshylarǵa beıneúndeý joldady. Kelisimge qol qoıý rásimine baılanysty Qytaı Halyq Respýblıkasynyń Tóraǵasy Sı Tszınpın men Qyrǵyz Respýblıkasynyń Prezıdenti Sadır Japarov ta óz úndeýlerin joldady.

Ózbekstan basshysy bul mańyzdy ınfraqurylymdyq jobany júzege asyrýdyń bastalýy keń baıtaq óńirdegi ekonomıkalyq jáne kóliktik baılanysty nyǵaıtýǵa baǵyttalǵan tarıhı oqıǵa ekenin atap ótti.

– Bul temir jol Qytaıdy bizdiń aımaqpen baılanystyratyn eń qysqa qurlyqtaǵy jolǵa aınalady. Bul jol bizdiń elderge bolashaǵy zor transaýǵandyq dáliz arqyly Ońtústik Azııa men Taıaý Shyǵystyń keń naryǵyna shyǵýǵa múmkindik beredi, – dedi Shavkat Mırzıeev.

Jobany iske asyrý nátıjesinde paıda bolatyn ekonomıkalyq tıimdilik jańa kásiporyndar men on myńdaǵan jumys oryndaryn qurýǵa, ózara saýda kólemin eki esege arttyrýǵa, óndiristik kooperatsııany keńeıtýge, ınvestıtsııalyq tartymdylyqtyń ósýine jáne eń bastysy, halyqtyń ómir súrý deńgeıiniń artýyna septigin tıgizedi.

Kelisimge sáıkes, «Qytaı-Qyrǵyzstan-Ózbekstan» temir joly Qashǵar-Torýgart-Makmal-Jalalabad-Ándijan baǵyty boıynsha ótedi. Mamandardyń aıtýynsha, júk tasymaldaýdyń jyldyq kólemi 15 mıllıon tonnaǵa jetýi múmkin. Al taýardy sońǵy tutynýshylarǵa jetkizý merzimi 7 kúnge deıin qysqarady. Sonymen qatar, zamanaýı tranzıttik-logıstıkalyq ınfraqurylym, qoımalar men termınaldar qurylady.