Ózbekstan Prezıdenti Qasym-Jomart Toqaevty týǵan kúnimen quttyqtady

<p>ASTANA. KAZINFORM - 17 mamyrda Ózbekstan Respýblıkasynyń Prezıdenti Shavkat Mırzıeev Qazaqstan Respýblıkasynyń Prezıdenti Qasym-Jomart Toqaevpen telefon arqyly sóılesti, dep jazady Ózbekstannyń&nbsp;<a href="https://uza.uz/kz/posts/zbekstan-prezident-qazaqstan-prezidentn-tugan-knmen-qttyqtady_599358" target="_blank" rel="noopener"> Uza</a> agenttigi.</p>

Ózbekstan basshysy Qazaqstan Prezıdentin týǵan kúnimen quttyqtap, oǵan zor densaýlyq, baqyt pen tabys, al baýyrlas qazaq halqyna beıbitshilik pen gúldený tiledi.

Qasym-Jomart Toqaevtyń Ózbekstan men Qazaqstan arasyndaǵy dostyq pen tatý kórshilik qarym-qatynasty nyǵaıtýǵa qosqan úlken jeke úlesi erekshe atap ótildi.

Eki el basshylary Ózbekstan-Qazaqstan kópjaqty yntymaqtastyǵyn odan ári keńeıtýge qatysty ózekti máselelerdi talqylady. Hıýa qalasynda ótken praktıkalyq keńeste ýaǵdalastyqtardyń oryndalý barysy jáne aldaǵy ýaqytta joǵary deńgeıde ótetin is-sharalar jospary talqylandy.

Saýda-ekonomıkalyq yntymaqtastyq jobalarynyń jańa portfelin qalyptastyrýǵa, bıznes pen óńirlerdi tarta otyryp, ónerkásip, kólik-logıstıka, energetıka, aýyl sharýashylyǵy salalaryndaǵy yntymaqtastyqty ilgeriletýge erekshe nazar aýdaryldy. Belsendi mádenı-gýmanıtarlyq almasýdy jalǵastyrýdyń mańyzdylyǵy sóz boldy.