Ózbekstan prezıdenti ınvestıtsııa salasyndaǵy olqylyqtar úshin birqatar sheneýnikti jumystan shyǵardy

<p>TAShKENT. KAZINFORM &ndash; Ózbekstanda ınvestıtsııalyq saladaǵy olqylyqtar úshin ınvestıtsııalar mınıstriniń orynbasary jáne tehnıkalyq retteý agenttiginiń basshysy jumystan bosatyldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.</p>

Mundaı sheshimdi 2024 jylǵa arnalǵan ınvestıtsııalar, eksport jáne halyqaralyq yntymaqtastyq salasyndaǵy basym mindetter jónindegi keńeste Ózbekstan prezıdenti Shavkat Mırzıeev qabyldady.

«Júıedegi kemshilikter men jobalardy baıaý júrgizgeni úshin ınvestıtsııalar, ónerkásip jáne saýda mınıstriniń orynbasary Badrıddın Abıdov jáne Tehnıkalyq retteý agenttiginiń bas dırektory Dılshod Sattarov qyzmetinen bosatyldy», - dep málim etti Ózbekstan prezıdentiniń baspasóz qyzmetinen.

Osyǵan baılanysty ınvestıtsııalar baǵytyndaǵy máselelerge jaýapty premer-mınıstrdiń orynbasary Jamshıd Hodjaev toqsannyń sońyna deıin jaǵdaıdy túzetpese, jumystan shyǵarylýy múmkin degen eskertý aldy.

Shavkat Mırzıeev sheneýlikterdi qyzmetinen alardan buryn júıedegi máselelerge toqtaldy.

Máselen, sońǵy 6 jylda shamamen 50 mlrd dollar sheteldik ınvestıtsııa tartylǵan, biraq olardyń jalpy ishki ónimge (JІÓ), qosylǵan qun men eksportqa qandaı áseri bergeni tıisti deńgeıde taldanbaǵan.

Sondaı-aq, byltyr JІÓ men ónerkásip 6%-ǵa ósti, alaıda taýar eksporty josparly kólemge jetken joq. Óńirlerde 8 trln sýmǵa baǵalanǵan 1000 joba áli iske qosylǵan joq, al olardy qarjylandyrý tolyǵymen aıaqtaldy.

Sonymen qatar, birde-bir elmen Ózbekstan sertıfıkattaryn taný týraly kelisimge qol jetkizilmegen. Quny 480 mln dollar turatyn 5 joba boıynsha halyqaralyq qarjy uıymdarymen kelisim jasalǵannan beri 1-2 jyl ótse de, bul qarajatty ıgerý isi qolǵa alynbaǵan.

«Prezıdent ınvestıtsııa baǵytyndaǵy jumystarǵa jaýapty mınıstrlerdiń orynbasarlary men hokımderdi jumystan shyǵarýdy tapsyrdy. Sondaı-aq olardyń qyzmet tıimdiligin baǵalaıtyn KPI kórsetkishterin anyqtap, keıin olardy bir jyldyq kelisim negizinde qaıta jaldaýdy júktedi. Jumys nátıjesine baılanysty kelisim uzartylady nemese buzylady», - dep málim etti Ózbekstan prezıdentiniń baspasóz qyzmetinen.