Ózbekstan prezıdenti erteń Qazaqstanǵa jumys saparymen keledi

<p>TAShKENT. KAZINFORM &ndash; Ózbekstan prezıdenti Shavkat Mırzıeev 3-4 shildede Shanhaı yntymaqtastyq uıymy memleket basshylary keńesiniń kezekti otyrysyna qatysý úshin Qazaqstanǵa jumys saparymen barady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan prezıdentiniń baspasóz qyzmetinen málim etkendeı, Shavkat Mırzıeev memleket basshylarynyń keńesimen qatar, «ShYU plıýs» formatyndaǵy kezdesýge qatysady.

Sammıt barysynda ShYU aıasyndaǵy kópjosparly yntymaqtastyqty damytý jáne uıym qyzmetin jetildirý máseleleri qaralady. Buǵan qosa, halyqaralyq jáne óńirlik ózara is-qımyl máseleleri de talqylanbaq.

Kezdesý qorytyndysy boıynsha Astana deklaratsııasyn jáne ekonomıka, qaýipsizdik, ekologııa, energetıka, týrızm jáne ózge de baǵyttaǵy áriptestikti keńeıtýge arnalǵan qujattardy qabyldaý josparlanyp otyr.

Munymen qatar Ózbekstan prezıdenti Astanaǵa jasaıtyn jumys sapary barysynda birqatar sheteldik delegatsııa basshylarymen ekijaqty kezdesýler ótkizedi.

Eske salaıyq, 3-4 shildede Astanada Shanhaı yntymaqtastyq uıymynyń sammıti ótedi. Memleket basshylarynyń kezdesýi barysynda elordanyń áýe keńistigi kúsheıtilgen rejımde kúzetiledi. Sondaı-aq, Astana qalasynyń tóńiregine blok-posttar qoıylyp, dinı nysandar baqylaýǵa alyndy.