Ózbekstan prezıdenti azyq-túlik ımportyna nóldik mólsherleme merzimin uzartty

<p>&nbsp;Ózbekstan prezıdenti Shavkat Mırzıeev 28 jeltoqsanda azyq-túlik ónimderiniń negizgi túrleri baǵasynyń turaqtylyǵyn qamtamasyz etýge baǵyttalǵan Jarlyqqa qol qoıdy. Bul týraly &laquo;Gazete.uz&raquo; basylymyna úkimettegi derekkóz málim etken, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qujatta 2025 jylǵy 1 qańtarǵa deıin iri qara mal ónimderi, balyq, sút, qaımaq, sary maı, jumyrtqa, banan, tsıtrýstar, jemis-jıdek, pııaz ben keıbir kókónis, kofe, shaı, ósimdik maıy, un, jarmalar, un jáne makaron ónimderi, sý, shashqa arnalǵan quraldar, balalar kıimi men basqalaryna nóldik ımporttyq baj mólsherlemesin qoldaný merzimi uzarǵany jazylǵan.

2024 jyldyń sońyna deıin saýda-ekonomıkalyq qarym-qatynas qolaıly emes elderden shyǵatyn taýarlarǵa eki eselengen kedendik baj mólsherlemesi qoldanylmaıdy.

Investıtsııa tartý, óndiristi damytý jáne saýdany retteý úkimettik komıssııasyna 1 aqpanǵa deıin Prezıdent ákimshiligine qant baǵasynyń kúrt ósip ketýiniń aldyn alý men óndiris turaqtylyǵyn saqtaýǵa qatysty usynys daıyndaý tapsyryldy.

Sondaı-aq 1 qazanǵa deıin komıssııa qazirgi jeńildikterdiń qanshalyqty tıimdi ekenin baǵalap, olardy jalǵastyrýǵa qatysty usynys daıyndaýy tıis.