Ózbekstan pııaz eksportyna salynǵan tyıymdy alyp tastady
11:36, 19 Naýryz 2023
TAShKENT. QazAqparat - Ózbekstan bıligi qańtar aıynda engizilgen pııaz eksportyna salynǵan tyıymdy alyp tastady, dep habarlaıdy QazAqparat tilshisi.
Ózbekstan Aýyl sharýashylyǵy mınıstrligi baspasóz qyzmetiniń habarlaýynsha, 15 naýryzdan bastap pııaz eksportyna qoıylǵan ýaqytsha shekteý úkimettiń sheshimimen alynyp tastaldy. Mundaı sheshim ishki naryqtaǵy pııaz baǵasynyń turaqtaýyna baılanysty qabyldandy.
Buǵan deıin habarlanǵanda, Ózbekstanda baǵanyń kúrt kóterilýinen keıin 1 qańtardan bastap tórt aıǵa pııaz eksportyna tyıym salyndy.
Oǵan otyn-energetıka kesheninde, logıstıka jáne ónimdi tasymaldaý júıesinde úzilisterge ákelgen qalyptan tys sýyq sebep boldy. Ol kezde pııazdyń tabıǵı shyǵyny 228 myń tonnany qurady.