Ózbekstan Parlamenti eldiń EAEO-qa qatysý mártebesin maquldady
15:31, 28 Sáýir 2020
TAShKENT. QazAqparat - Ózbekstan Parlamenti eldiń EAEO-qa baqylaýshy el retindegi mártebesin maquldady, dep habarlaıdy QazAqparattyń menshikti tilshisi.
Ózbekstan Májilisiniń Olıı zań shyǵarýshy palatasy seısenbi kúngi otyrysynda Ózbekstannyń Eýrazııalyq ekonomıkalyq odaqqa baqylaýshy-memleket retinde kirý týraly úkimet usynysyn maquldady.
Daýys berýge 150 depýtattyń 132-si qatysty. 86 depýtat usynysty qoldasa, 32-si qarsy shyqty, sonymen qatar 14 depýtat qalys qaldy.