Ózbekstan óz mamandaryn shetelde oqytpaq

TAShKENT. QazAqparat - Ózbekstan eli qazaqstandyq «Bolashaq» halyqaralyq bilim berý baǵdarlamasyna uqsas ulttyq kadrlardyń álemniń jetekshi ýnıversıtetterinde kásibıligin arttyryp, onda taǵylym alýy úshin «El-ıýrt ýmıdı» shákirtqasyn iske qosyp otyr. Bul týraly QazAqparattyń menshikti tilshisi habarlaıdy.

«El-ıýrt ýmıdı» qorynyń shákirtaqysy Ózbekstan eliniń áleýmettik sala, memlekettik basqarý jáne ekonomıkanyń basym salalarynda joǵary bilikti mamandardy daıarlap, olar úshin tıisti jaǵdaı jasaýǵa baǵyttalǵan.

Kandıdattardy konkýrstyq irikteý Ózbekstan mınıstrlikteri men vedomstvolarynyń maqsatty tapsyrystarynyń negizinde júzege asyrylatyny josparlanýda. 2019-2021 jyldary shákirtaqy alýshylardyń sany 4000 adamnan kem bolmaıtyny shamalanyp otyr.

Eske sala keteıik, buǵan deıin Ózbekstan prezıdenti zamanaýı kadrlarmen qamtamasyz etý, bilimdi jastardy strategııalyq salalarǵa tartý máselelerine arnalǵan keńes ótkizip, onda eldiń barlyq salalarynda bilikti kadrlar jetispeýshiligi bar ekenin aıtqan.