Ózbekstan onkologııalyq aýrýlardy dıagnostıkalaý men emdeýde Qytaımen yntymaqtastyqty nyǵaıtady

<p>TAShKENT. KAZINFORM &ndash; Ózbekstan Densaýlyq saqtaý mınıstriniń orynbasary Farhodjon Tashpýlatov bastaǵan delegatsııa Qytaı Halyq Respýblıkasynda boldy, dep habarlaıdy Kazinform Ózbekstan Densaýlyq saqtaý mınıstrliginiń <a href="https://gov.uz/uz/ssv/news/view/31366" target="_blank" rel="noopener">baspasóz qyzmetine</a> silteme jasap.</p>

Ózbekstandyqtar barǵan Shensı provıntsııasynda kóptegen aldyńǵy qatarly emdeý mekemeleri, joǵary oqý oryndary men ǵylymı-zertteý ınstıtýttary ornalasqan, radıoterapııa salasynda joǵary tehnologııaly qural-jabdyqtar shyǵarýda aıtarlyqtaı jetistikterge jetken.

Atap aıtqanda, «DAI OUR Group» kompanııasy óndiristen bastap jabdyqty qurastyrýǵa, konfıgýratsııalaýǵa jáne jetkizýge deıingi qyzmetterdi, sondaı-aq joǵary sapaly oqytý baǵdarlamalaryn usynady.

Sapar barysynda ózbek mamandary sáýlelik terapııa salasyndaǵy eń zamanaýı tehnologııalarmen, atap aıtqanda, mı aýrýlaryn emdeýde qoldanylatyn álemdegi jalǵyz gamma-pyshaq júıelerimen tanysty.

Delegatsııa sonymen qatar jelilik údetkish («Linac») qondyrǵysy ornalasqan aýdanda «DAI OUR Group» kompanııasynyń «Taichi» júıesi týraly qosymsha aqparat aldy. Ol patsıenttiń emdeý protsesin tikeleı efırde kórsetý jáne osy tehnologııanyń artyqshylyqtary men basqarý protsesterin engizý úshin paıdalanyldy.

Delegatsııa ókilderi bul protsesti Ózbekstanda júzege asyrý onkologııalyq aýrýlardy dıagnostıkalaý men emdeý sapasyna aıtarlyqtaı áser etýi múmkin ekenin atap ótti.

Sapar barysynda «DAI OUR Group» kompanııasymen gamma-pyshaq, «Taichi» júıesi jáne jelilik údetkishterdi qoldaný arqyly onkologııalyq aýrýlardy dıagnostıkalaý men emdeý tehnologııalary salasynda belsendi yntymaqtastyq ornatý máseleleri talqylandy.

Atap aıtqanda, Tashkenttegi Ulttyq medıtsınalyq ortalyq pen Ferǵana alqaby, Aralboıy men Horezm oıpatyna memlekettik-jekemenshik seriktestik negizinde zamanaýı qural-jabdyqtardy jetkizý jáne ornatý, sondaı-aq olardan paıdalaný úshin medıtsına qyzmetkerleriniń biliktiligin arttyrý jáne osy protseske sheteldik mamandardy tartý sııaqty baǵyttar boıynsha jobalardy júzege asyrý boıynsha yntymaqtastyqqa kelisti.

Sapar sońynda Ózbekstan Respýblıkasy Densaýlyq saqtaý mınıstrligi, «Sheng-Ke International» JShS men «Our United Corporation» arasynda yntymaqtastyq týraly memorandýmǵa qol qoıyldy. Bul kelisim Ózbekstan men Qytaı arasyndaǵy medıtsına salasyndaǵy yntymaqtastyqty odan ári nyǵaıtýǵa jáne elde onkologııa salasynda jańa kezeńge bastaý bolmaq.

Qazaqstan men Ózbekstan arasyndaǵy taýar aınalymy $3,8 mlrd asqanyn jazǵan bolatynbyz.