Ózbekstan men Tájikstan ózara taýar aınalymyn 2 mlrd dollarǵa jetkizbek

<p>TAShKENT. KAZINFORM &ndash; Ózbekstan men Tájikstan basshylary eki el úkimetiniń aldyna ózara taýar aınalymyn 2 mlrd dollarǵa deıin jetkizý mindetin qoıdy. Tıisinshe, shekara mańyndaǵy saýda aımaqtaryn jaqyn arada iske qosý jumysy qolǵa alynbaq, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan basshysynyń baspasóz qyzmetinen málim etkendeı, Dýshanbe qalasynda Shavkat Mırzıeev pen Emomalı Rahmon arasynda ótken kezdesý barysynda prezıdentter saıası dıalogty tereńdetýge, saýda-ekonomıkalyq yntymaqtastyqty arttyrýǵa, óńiraralyq jáne mádenı-gýmanıtarlyq baılanystarly nyǵaıtýǵa erekshe nazar aýdardy.

Qos memlekettiń prezıdentteri «Odaqtastyq qarym-qatynas týraly» tarıhı kelisiminiń ózbek-tájik baılanystaryn sapaly ári jańa deńgeıge kóretýge yqpal etetinin atap ótti.

Keıingi jyldary ózara taýar aınalymy 40 ese ósti. Birlesken kásiporyndar sany 15 esege artty.

«Eki eldiń úkimeti aldyna taýar aınalymyn 2 mlrd dollarǵa deıin jetkizý mindeti qoıyldy. Bul mejege jańa taýar túrlerin eksporttaý men ımporttaý jáne shekara mańyndaǵy saýda aımaqtaryn taıaý ýaqytta iske qosý esebinen qol jetkizý tapsyryldy», - dep málim etti Ózbekstan basshysynyń baspasóz qyzmetinen.

Eske sala keteıik, buǵan deıin Ózbekstan men Tájikstan taýar aınalymyn 1 mlrd dollarǵa jetkizýge nıetti ekenin jazyp edik.