Ózbekstan men Tájikstan strategııalyq seriktestik shartyna qol qoıdy

TAShKENT. QazAqparat - Ózbekstan Respýblıkasynyń Prezıdenti Shavkat Mırzıeev pen Tájikstan Respýblıkasynyń Prezdenti Emomalı Rahmon Ózbekstan Respýblıkasy men Tájikstan Respýblıkasy arasyndaǵy strategııalyq seriktestik týraly shartqa qol qoıdy, dep habarlaıdy ÓzA agenttigi.

17 tamyz kúni Tájikstan prezıdenti Tashkentke resmı saparmen keldi. Kóksaraı rezıdentsııasynda ótken kelissózderdiń aıaǵynda ekijaqty qujattarǵa qol qoıý rásimi boldy.

Strategııalyq seriktestik týraly shart pen birlesken málimdemeden tys, standarttaý, metrologııa jáne sertıfıkattaý, monopolııaǵa qarsy saıasat, tutynýshy quqyǵyn qorǵaý, geologııa salasynda birlesken ǵylymı zertteýlerdi júrgizý, áskerı, ǵylymı-tehnıkalyq, aýyl sharýashylyǵy, azyq-túlik qaýipsizdigi, bilim berý, jastar saıasaty, mádenıet jáne óner salalarynda 26 qujatqa qol qoıyldy.

«Memleketaralyq ózara yqpaldastyqty strategııalyq seriktestik deńgeıine kóterý - eki el qarym-qatynastaryndaǵy asa zor unamdy ózgeristerdiń zańdy ári logıkalyq nátıjesi», - dedi Emomalı Rahmon.

Óz kezeginde, Shavkat Mırzıeev Tashkent «eki halyqtyń qaımaǵy buzylmaǵan dostyǵyn jan-jaqty nyǵaıtýǵa bar múmkindikti jumsaıtynyn» jetkizdi.

Eki eldiń óńirleri arasynda, atap aıtqanda, Surhandarııa (Ózbekstan) jáne Hatlan (Tájikstan), Samarqant (Ózbekstan) jáne Soǵdy (Tájikstan) oblystary arasyndaǵy saýda-ekonomıkalyq, ǵylymı-tehnıkalyq jáne mádenı-gýmanıtarlyq yntymaqtastyq yntymaqtastyq týraly kelisimderge qol jetkizildi.