Ózbekstan men Reseı AES qurylysyn bastaý hattamasyna qol qoıdy

<p>TAShKENT. KAZINFORM - &laquo;Ózatom&raquo; agenttigi janyndaǵy Atom stantsııasyn salý dırektsııasy men &laquo;Rosatomǵa&raquo; baǵynysty &laquo;Atomstroıeksport&raquo; AQ Ózbekstanda salynatyn az qýatty AES-tiń qurylys alańyndaǵy jumystardy bastaý jónindegi hattamaǵa qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Az qýatty AES-tiń jobasyn aldyn ala pysyqtaý jumysy maýsym aıynda bastalyp, ol joly negizgi mindetter aıqyndalǵan bolatyn. Al tamyzdyń sońynda AES qurylysshylary turatyn qalashyq salyna bastady.

«Hattamaǵa qol qoıý Ózbekstandaǵy alǵashqy az qýatty AES jobasyn iske asyrýdyń belsendi kezeńi bastalǵanyn bildiredi. Sonymen qatar, ol jaqyn arada qurylys alańyndaǵy jumystarǵa kirisýge múmkindik beredi», - dedi «Ózatom» agenttigi janyndaǵy Atom stantsııasyn salý dırektsııasynyń dırektory Otabek Amanov.

Qosa ketsek, buǵan deıin Ózbekstanda salynatyn AES-tiń qandaı bolatynyn jazǵan bolatynbyz.