Ózbekstan men Qyrǵyzstan shekarasynda jer silkindi

ALMATY. QazAqparat - QR Tótenshe jaǵdaılar mınıstrliginiń «Seısmologııalyq tájirıbe-ádisteme ekspedıtsııasy» seısmıkalyq stantsııalar jelisi búgin, 21 mamyr kúni Almaty ýaqyty boıynsha 22 saǵat 20 mın 41 seknýdta jer silkinisin tirkedi, dep habarlaıdy QazAqparat.

Zilzalanyń oshaǵy Almatydan batysqa qaraı 480 km qashyqtyqta Ózbekstan men Qyrǵyzstan shekarasynda boldy.

«Zilzalanyń energetıkalyq qýaty 10.4. Magnıtýdasy 4.6. MPV. Epıtsentriniń baǵyty 42.21° s.e. 71.21° sh.b. Tereńdigi 10 km. Sezilýi týraly málimetter joq», - delingen habarlamada.