Ózbekstan men Qyrǵyzstan ortaq shekaranyń 80 paıyzyn belgiledi

ASTANA. QazAqparat - Ózbekstan men Qyrǵyzstan kelisilgen aýmaqtaǵy (ortaq shekaranyń 80 %-y) memlekettik shekara jónindegi kelisimshart jobasyn daıyndady, dep habarlaıdy gazeta.uz .

21-31 tamyz kúnderi Bishkekte, odan keıin Tashkentte ózbek-qyrǵyz memlekettik shekarasyn anyqtaý jáne demarkatsııalaý máseleleri boıynsha  Ózbekstannyń úkimettik delegatsııalary toby men Qyrǵyzstan úkimeti delegatsııalarynyń topograf-jerdi belgileý jumys tobynyń kezdesýi ótti.

Ózbekstan SІM baspasóz qyzmetiniń habarlaýynsha,  taraptar ortaq shekaranyń 80 paıyzyn quraıtyn kelisilgen aýmaqtaǵy ózbek-qyrǵyz memlekettik shekarasy jónindegi kelisimshart jobalaryn talqylap, maquldady. Sonymen qatar, memleketaralyq qujattyń tıisti qosymshasy ázirlendi.