Ózbekstan men Qyrǵyzstan 50 mln dollar kapıtaly bar ınvestıtsııalyq qor qurady

TAShKENT. QazAqparat – Ózbekstan men Qyrǵyzstan 50 mln dollar jarǵylyq kapıtaly bar ınvestıtsııalyq qor turady. Sáıkes kelisim Sadyr Japarovtyń Tashkentke sapary kezinde qabyldandy, dep habarlaıdy QazAqparattyń menshikti tilshisi.

«Ózbekstan men Qyzǵyzstan 50 mln dollar jarǵylyq kapıtaly bar ınvestıtsııalyq qor qurady. Ári qaraı bul somany 200 mln-ǵa jetkizý kózdelip otyr», - dep málim etti vıtse-premer, ınvestıtsııalar jáne syrtqy saýda mınıstri Sardor Ómirzaqov.

Ózbekstan vıtse-premeri qurylatyn qordyń ózbek-qyrǵyz áriptestiginiń damýyn tezdetetindigin aıtyp ótti.

«Investıtsııalyq qor birqatar ortaq jobany júze asyrýǵa kómektesedi. Ásirese, ónerkásiptik kooperatsııa salasynda. Bizge bul jaǵdaıdy paıdalanyp qalý kerek», - dep aıtty Ómirzaqov.

Ózbekstan men Qyrǵyzstan prezıdentteriniń kezdesýi nátıjesinde ózbek-qyrǵyz áriptestiginiń barlyq baǵytyn qamtıtyn 22 qujatqa qol qoıyldy.

Olardyń qatarynda ózbek-qyrǵyz Investıtsııalyq qorynyń qurylýy týraly kelisim, 50-ge jýyq ortaq jobanyń iske asyrylýyn kózdeıtin Ónerkásiptik kooperatsııany keńeıtý men tereńdetý jónindegi praktıkalyq sharalardyń jospary, ózara elektr qýatyn tasymaldaý jáne Qyrǵyzstandaǵy gıdroenergetıka nysandarynyń qurylysy aıasyndaǵy áriptestik týraly qujattar bar.

Sonymen qatar syrtqy saıası vedomstvolardyń ózara árekettesý baǵdarlamasy, kedendik is salasyndaǵy, áskerı jáne áskerı-tehnıkalyq áriptestik, densaýlyq saqtaý, aýyl sharýashylyǵy, azyq-túlik qaýipsizdigi, ósimdikter karantıni, bilim, ǵylym jáne mádenıet salasyndaǵy birqatar qujatqa qol qoıyldy.

Eske sala keteıik, keshe Qyrǵyzstan basshysy Shavkat Mırzıeevtyń shaqyrtýymen memlekettik saparmen Tashkentke keldi.

Avtory Mádıbek Jánibekov