Ózbekstan men Qytaı shaǵyn ıadrolyq reaktorlardy qoldaný múmkindigin zerdelemek

<p>TAShKENT. KAZINFORM&nbsp;&mdash; Ózbekstannyń Atom energetıkasy agenttiginiń dırektory Azım Ahmedhadjaev pen qytaılyq CNOS kompanııasynyń (CNNC-ke enshiles kompanııa) bas dırektory Veı Fýkı Shanhaıda kezdesip, eki eldiń atom energetıkasy salasyndaǵy yntymaqtastyǵyn talqylady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

«Kezdesýde CNNC-pen atom energııasyn beıbit maqsatta paıdalaný, Qytaıdyń AES salýdaǵy ozyq tájirıbesin ıgerý jáne Ózbekstanda qytaılyq shaǵyn modýldik reaktorlardy qoldaný múmkindigin zerdeleý kelisildi», — dep atap ótti Uzatom agenttiginen.

Foto: Uzatom agenttigi

Eske sala keteıik, Ózbekstanda reseılik tehnologııa boıynsha óńirdegi alǵashqy az qýatty atom elektr stantsııasy salynady.

Taıaýda Ózbekstan men Reseı AES salý kelisimshartynyń kúshine ený hattamasyna qol qoıdy.

Qosa ketsek, buǵan deıin Kazinform redaktsııasy Ózbekstanda qandaı energobloktar salynatynyn jazyp edi.