Ózbekstan men Qytaı arasynda 30 kúndik vızasyz rejım engiziledi

<p>TAShKENT. KAZINFORM &ndash; Ózbekstan men Qytaıdyń Syrtqy ister mınıstrleri azamattarǵa 30 kún ishinde vızasyz qos elge barýǵa múmkindik beretin kelisimge qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

- Ózbekstan men Qytaı basshylary arasynda qol jetkizilgen ýaǵdalastyqtardy iske asyrý sheńberinde áriptesimmen birge azamattarǵa 30 kún boıy vızasyz saıahattaýǵa múmkindik beretin kelisimge qol qoıdyq. Bul - halyqtar arasyndaǵy baılanysty nyǵaıtyp, saýda-sattyq kólemin ulǵaıtýǵa baǵyttalǵan úlken isterdiń bir parasy, - dep jazdy Ózbekstannyń Syrtqy ister mınıstri Bahtıer Saıdov óziniń áleýmettik jelidegi resmı paraqshasynda.

Atalǵan kelisimniń naqty qashan kúshine enetini qosymsha habarlanady. 

Foto: Telegram/bakhtiyor_saidov

Eske salaıyq, buǵan deıin Ózbekstan men Qytaı vızasyz rejım ornatýǵa múddeli ekenin jazyp edik.

Qazaqstan men Qytaı arasynda vızasyz rejım byltyr 10 qarashada ornady. Oǵan saı, Qazaqstan azamattary Qytaı aýmaǵynda, Qytaı azamattary Qazaqstanda 30 kúnnen aspaıtyn ýaqyt aralyǵynda vızasyz júre alady.