TAShKENT. KAZINFORM – Ózbekstan men Qyrǵyzstan shekarasynda eki ótkizý beketi ashyldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Keden komıtetiniń málimetinshe, Namanǵan oblysynyń Qyrǵyzstanmen shektesetin Ýchkýrgan aýdanynda «Ýchkýrgan» keden beketiniń ashylý saltanaty ótti.
Foto: ÓR Keden komıtetiÓtkizý beketi kúnine orta eseppen 10 myń adamdy qabyldaýǵa qaýqarly. Buǵan qosa, ol 500-den astam júk, 300-den asa jeńil kólikti ótkize alady.
Foto: ÓR Keden komıtetiEkinshi ótkizý pýnkti Andıjan oblysynda ornalasqan. «Qarasý» beketi araǵa 14 jyl salyp, qaıta ashylyp otyr. Ol kúnine 12 myńnan astam adamdy qabyldamaq.
Foto: ÓR Keden komıtetiVedomstvodan atap ótkendeı, eki ótkizý pýnktinde de azamattarǵa barlyq jaǵdaı jasalǵan jáne kedendik baqylaý protsesteri jedeldetilgen rejımde júrgiziledi.
Foto: ÓR Keden komıteti
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.