Ózbekstan men Qazaqstan saýdadaǵy kedergilerdi joıý úshin jumys tobyn qurady

<p>Ózara saýdadaǵy kedergilerdi joıý úshin Ózbekstan men Qazaqstan arnaıy jumys tobyn qurady. Sonymen qatar birlesken syrtqy saýda kompanııasy arqyly onlaın saýda alańyn qurý josparyn qurý da josparǵa engizildi. <a href="Kazinform" target="_blank" rel="noopener">Kazinform</a> bul týraly <a href="https://uza.uz/kz/posts/zbekstan-men-qazaqstan-sauda-kederglern-zhoyuda-zhmys-tobyn-qrady_555577" target="_blank" rel="noopener">Uza.uz</a>-ge silteme jasap habarlaıdy.&nbsp;</p>

Jýyrda Investıtsııalar, ındýstrııa jáne saýda mınıstri Lazız Qýdratov pen Qazaqstan Respýblıkasynyń Saýda jáne ıntegratsııa mınıstri Arman Shaqqalıevtiń kezdesýi ótti. Onda Qazaqstan Prezıdenti Qasym-Jomart Toqaevtyń Ózbekstanǵa sapary aıasynda qol qoıylǵan ınvestıtsııalyq kelisimderdi jáne saýda kelisimderin iske asyrý boıynsha «Jol kartasy» boıynsha atqarylyp jatqan jumys, eki el arasyndaǵy ónerkásiptik yntymaqtastyqty odan ári damytý perspektıvalary jáne qazirgi jobalardy júzege asyrýdyń ózekti máseleleri talqylandy.

«Ózara saýda kóleminiń ulǵaıýy sóz boldy. Keıingi 6 jylda saýda kólemi 2,5 esege jýyq ósip, 2016 jylǵy 1,9 mıllıard dollardan 2023 jyly 4,6 mıllıard dollarǵa deıin ulǵaıdy. Bul rette paıdalanylmaı jatqan múmkindikter bar ekenin aıta kele, taraptar aldaǵy jyldary taýar aınalymyn 10 mıllıard dollarǵa jetkizý úshin birqatar sharany júzege asyrýǵa kelisti. Atap aıtqanda, ózara saýdadaǵy kedergilerdi joıý boıynsha birlesken jumys toby qurylatyn boldy. Sondaı-aq taraptar eki eldiń naryǵynda keń aýqymdy taýarlardy satýǵa arnalǵan onlaın-saýda alańyn qamtıtyn «UzKazTrade» birlesken syrtqy saýda kompanııasynyń qyzmetine qoldaý kórsetýge daıyn ekendikterin bildirdi», - delingen habarlamada.

Foto: Uza.uz

«Ortalyq Azııa» halyqaralyq ónerkásiptik kooperatsııa ortalyǵyn uıymdastyrýdyń praktıkalyq aspektilerin eskere otyryp, ónerkásiptik kooperatsııany damytýǵa qatysty syndarly pikirler aıtylyp, ortalyqty qurý men paıdalanýǵa berýdi jedeldetý boıynsha birlesken sharalar qabyldaý týraly kelisimge qol jetkizildi.

Kezdesý sońynda taraptar ekijaqty qarym-qatynastardy odan ári damytýdy jaqtaıtyndyqtaryn qýattap, qol jetkizilgen ýaǵdalastyqtardy jedel júzege asyrýǵa jaýapty basshylarǵa tapsyrma berdi.