Ózbekstan men Qazaqstan OA ekonomıkasynyń lokomotıvi - Elshi Nııazhodjaev

ASTANA. QazAqparat - Ózbekstan men Qazaqstan Ortalyq Azııa ekonomıkasynyń lokomotıvi. Mundaı pikirdi búgin Aqordada QR Memlekettik hatshysy Gúlshara Ábdiqalyqovamen kezdesken Ózbekstannyń Qazaqstandaǵy Tótenshe jáne Ókiletti Elshisi Saıdıkram Nııazhodjaev bildirdi, dep habarlaıdy QazAqparat. 

«Siz ótken meıramdaryńyzben quttyqtaımyn. Kúni keshe Qazaqstan halqynyń birligi kúni atalyp ótildi jáne ol QR Prezıdenti Nursultan Nazarbaevtyń basshylymen halyqty biriktirýge baǵyttalǵan jumystardyń júrgizilip jatqanynyń jarqyn kórinisine aınaldy. Jalpy, Prezıdent Joldaýy da, bes áleýmettik reformasy da is júzinde tarıhı bastama», - dedi Ózbekstan Elshisi.
Ol Qazaqstannyń odan ary damyp, halqynyń birliginiń bekem bola túsýi búkil Ortalyq Azııanyń damýyna tikeleı áser etetindigin atap ótti. Sonymen qatar ótken jyly QR Prezıdentiniń bastamasymen 2018 jyl Qazaqstandaǵy Ózbekstan jyly bolyp jarııalanǵanyn eske saldy. Al 2019 jyly Ózbekstandaǵy Qazaqstan jylynyń ótetindigin basa aıtty.
«Ózbekstan men Qazaqstannyń Ortalyz Azııa ekonomıkasynyń lokomotıvi ekendigin eshkimge de qupııa emes. Bizdiń ekijaqty baılanystardy, Ortalyq Azııanyń ekonomıkalyq áleýmetin nyǵaıtýǵa baǵyttalǵan birlesken jumystarymyz ózimizdiń ek ekonomıkamyzdy birneshe jyl alǵa shyǵarady. Osylaısha, búkil álemge birlesip qalaı jumys isteý qajettigin pash etemiz», - dedi Saıdıkram Nııazhodjaev.