Ózbekstan men Germanııa yntymaqtastyqty ilgeriletetin 8 qujatqa qol qoıdy

<p>TAShKENT. KAZINFORM &ndash; Ózbekstan prezıdenti Shavkat Mırzıeev Samarqanda Germanııa kantsleri Olaf Sholtspen kelissóz júrgizip, taraptar yntymaqtastyqty bekemdeı túsýge baǵyttalǵan birqatar qujatqa qol qoıdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Foto: Ózbekstan prezıdentiniń baspasóz qyzmeti

Ózbekstan basshysy men Germanııa kantsleri arasynda ótken kelissózder qorytyndysy boıynsha birlesken deklaratsııaǵa jáne 8 qujatqa qol qoıyldy:

- kóshi-qon jáne jan-jaqty áriptestik týraly úkimetaralyq kelisim;

- veterınarııa jáne mal sharýashylyǵy salasyndaǵy yntymaqtastyq týraly úkimetaralyq deklaratsııa;

- «Jasyl Ortalyq Azııa» bastamasy sheńberinde sý resýrstaryn turaqty paıdalaný salasyndaǵy yntymaqtastyq týraly úkimetaralyq deklaratsııa;

mańyzdy mıneraldar salasyndaǵy yntymaqtastyq týraly birlesken deklaratsııa;

kólik salasyndaǵy yntymaqtastyq týraly kelisim;

Parıj kelisimi aıasynda klımattyń ózgerýi salasyndaǵy yntymaqtastyq týraly memorandým.

Buǵan qosa, 2024-2026 jyldarǵa arnalǵan tehnologııalyq áriptestik jáne ónerkásiptik kooperatsııa jónindegi baǵdarlama qabyldanyp, Ózbekstan men Germanııanyń jetekshi kásiporyndary deńgeıinde birneshe kelisim jasaldy.

Foto: Ózbekstan prezıdentiniń baspasóz qyzmeti