Ózbekstan men Belarýs prezıdentteri shańǵy tepti

<p>TASHKENT. Kazinform &ndash; Ózbekstan Respýblıkasy Prezıdenti Shavkat Mırzıeev pen elde resmı saparmen júrgen Aleksandr Lýkashenko &laquo;Amırsoı&raquo; taý kýrortynda boldy, dep habarlaıdy <a href="https://uza.uz/uz/posts/ozbekiston-va-belarus-etakchilari-amirsoy-tog-changi-mazhmuasida-uchrashuv-otkazdilar_566423" target="_blank" rel="noopener">UzA.</a></p>

Keshe Tashkentte ótken kelissózder barysynda memleket basshylary mádenı-gýmanıtarlyq, onyń ishinde sport jáne týrızm salalaryndaǵy belsendi almasýdy jalǵastyrýǵa kelisti.

Joǵary deńgeıdegi kezdesýler sońynda basqa qujattarmen qatar sport salasyndaǵy yntymaqtastyq baǵdarlamasyna jáne 2024-2025 jyldarǵa arnalǵan týrızm salasyndaǵy yntymaqtastyq sharalarynyń josparyna qol qoıyldy.

Keıingi jyldarda Ózbekstanda sport jáne týrızm ınfraqurylymyn damytýǵa baǵyttalǵan iri jobalar júzege asyrylýda. Tashkent oblysynyń Bostandyq aýdanyndaǵy «Amırsoı» taý kýrorty sonyń biri. Sońǵy úsh jylda munda 4 mıllıonǵa jýyq týrıst kelgen.

Dúnıejúzilik deńgeıdegi osynaý maýsymdyq keshendi aralaý barysynda memleket basshylary sportshylar men týrıster úshin jasalǵan jaǵdaımen tanysyp, eki el arasyndaǵy týrıstik almasýdy keńeıtý jóninde pikir almasty.

Kóshbasshylar dostyq qarym-qatynasty jalǵastyra otyryp, birge shańǵy tepti.