Ózbekstan men Aýǵanstan ókilderi shekara máselesin talqylady

TERMEZ. QazAqparat – Termez qalasynda Ózbekstan men Aýǵanstan delegatsııalarynyń jumys kezdesýi ótti, dep habarlaıdy QazAqparat tilshisi Ózbekstan Respýblıkasy Investıtsııa jáne syrtqy saýda mınıstrligine silteme jasap.

Ózbekstan delegatsııasyn premer-mınıstr orynbasary, ÓR Investıtsııa jáne syrtqy saýda mınıstri Sardor Ýmýrzakov basqarsa, aýǵandyq tarap atynan ýaqytsha úkimet basshysy orynbasarynyń mindetterin atqarýshy Abdýl Salam Hanafı keldi.

Kelissózder barysynda túrli mınstrlikter men vedomstvo ókilderi shekara qaýipsizdigin qamtamasyz etý, ınvestıtsııa, ózara saýda, energetıka, halyqaralyq júk tasymaly jáne tranzıt salalaryndaǵy yntymaqtastyq máselelerin ortaǵa saldy. Qatysýshylar sondaı-aq, bilim berý jáne gýmanıtarlyq saladaǵy baılanysty damytý jaıynda pikir almasty. Infraqurylymdyq jobalardy iske asyrý, sonyń ishinde «Sýrhan – Pýlı-Hýmrı» elektr tasymaldaý jelisi jáne «Termez – Mazarı-Sharıf – Kabýl – Peshavar» temir joly qurylysyna erekshe kóńil bólindi.
Kezdesý sońynda talqylanǵan máseleler boıynsha birqatar ekijaqty kelisimderge qol jetkizildi.