Ózbekstan medıtsınalyq qaldyqtan jylý energııasyn óndirmek

<p>TAShKENT. KAZINFORM &ndash; Ózbekstanda amerıkalyq &laquo;Sauer&raquo; kompanııasymen birlesip, medıtsınalyq qaldyqtardan balamaly jylý energııasyn óndiretin &laquo;Sayar green&raquo; kásiporny quryldy. Atalǵan jobany iske asyrý jónindegi sharalar prezıdent Shavkat Mırzıeevtiń tıisti <a href="https://lex.uz/ru/docs/7025253" target="_blank" rel="noopener">qaýlysymen</a> bekitildi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.&nbsp;</p>

Investor, jańa kompanııa jáne úkimet arasyndaǵy ınvestıtsııalyq kelisimshartqa bıyl sáýirde ÓR Investıtsııalar, ónerkásip jáne saýda mınıstrligi qol qoıǵan bolatyn. Jobany iske qosý 1 tamyzǵa josparlanyp otyr. 

Qaýlyǵa saı, «Sayar green» kompanııasy 2024-2025 jyldar aralyǵynda 7 mln dollar tikeleı ınvestıtsııa tartýy tıis. Ol Tashkent qalasy, Samarqan jáne Buhara oblystaryndaǵy barlyq medıtsınalyq mekemelerden shyǵarylatyn 6 myń tonna medıtsınalyq qaldyqty termııalyq ádispen qaıta óńdeıdi. Tısinshe, odan jylyna 20 GVt-saǵat jylý energııasy óndiriledi. 

Kelesi kezeńde, ıaǵnı 2026-2030 jyldarda kompanııa 108 mln dollar kóleminde tikeleı ınvestıtsııa tartýdy josparlap otyr. Onyń nátıjesinde kásiporyn Ózbekstannyń barlyq óńirlerindegi medıtsınalyq mekemelerden shyǵarylatyn 90 myń tonnaǵa jýyq qaldyqty qaıta óńdep, 300 GVt-saǵat jylý energııasyn almaq.

Ol úshin kompanııaǵa 2048 jylǵa deıin memlekettik medıtsınalyq mekemelerdiń aýmaǵynan alańdar jalǵa berilmek.

ÓR Ekologııa, qorshaǵan ortany qorǵaý jáne klımattyń ózgerýi mınıstrligi bólgen arnaıy oryndarda turmystyq qaldyq polıgondary uıymdastyrylady. 

Joba aıasynda farmatsevtıkalyq, bıologııalyq, veterınarııalyq qaldyqtardy kádege jaratatyn joǵary temperatýraly termııalyq óńdeý ortalyqtary qurylady. 

Medıtsınalyq qaldyqtardy qaıta óńdeý esebinen óndirilgen jylý energııasyn memlekettik medıtsınalyq mekemeler men basqa da uıymdar arnaıy tarıf boıynsha satyp alady.