Ózbekstan Londondaǵy Ázerbaıjan Elshiligine jasalǵan shabýyldy aıyptady
«Ózbekstan Respýblıkasynyń Syrtqy ister mınıstrligi 2022 jylǵy 4 tamyzda Ulybrıtanııa jáne Soltústik Irlandııa Birikken Koroldigindegi Ázerbaıjan Respýblıkasynyń Elshiligine jasalǵan zulymdyq shabýyldy qatań aıyptaıdy.
Dıplomatııalyq ókildikter qyzmetkerleriniń ómiri men densaýlyǵyna qaýip tóndiretin kez kelgen árekettti aqtaýǵa kelmeıdi dep esepteımiz.
Bolǵan oqıǵany jan-jaqty tergeýge jáne oǵan qatysy barlardy jaýapkershilikke tartýǵa shaqyramyz.
Ózbekstan tarapy baýyrlas Ázerbaıjanǵa sheteldegi azamattarynyń qaýipsizdigi men qorǵalýyn qamtamasyz etýde qoldaý kórsetetinin bildiredi», delingen málimdemede.
Eske salsaq, buǵan deıin Qazaqstannyń Syrtqy ister mınıstrligi Londondaǵy Ázerbaıjan Respýblıkasynyń Elshiligine shabýylyna baılanysty málimdeme jasap, zorlyq-zombylyqtyń kez kelgen kórinisi qabyldanbaıdy degen bolatyn.4 tamyzda Ázerbaıjan Respýblıkasynyń Ulybrıtanııa jáne Soltústik Irlandııa Birikken Koroldigindegi elshilik ǵımaratyn radıkaldy dinı top basyp aldy. Oqıǵa kezinde elshilik qyzmetkerleri zardap shekken joq. Jergilikti quqyq qorǵaý organdary tergeý júrgizip jatyr.