Ózbekstan quramasyndaǵy qazaq jigiti álem chempıonatynyń fınalynda óner kórsetedi

ASTANA. QazAqparat - Tashkentte erler arasynda ótip jatqan bokstan álem chempıonatynda Ózbekstan quramasyndaǵy qazaq jigiti Rýslan Abdýllaev fınalda óner kórsetedi, dep habarlaıdy QazAqparat tilshisi.

Rýslan Abdýllaev 63,5 kelige deıingi salmaqta jartylaı fınalda Armenııa ókili Oganes Bachkovpen rıngke shyqty.

Jekpe-jek ózbekstandyq qandasymyzdyń aıqyn basymdyǵymen ótip, ol ekinshi raýndta qarsylasyn nokdaýnǵa jiberdi.

Rýslan Abdýllaev fınalda mońǵolııalyq Chınzorıg Baatarsýhpen altynǵa talasady.

Mońǵolııalyq boksshy jartylaı fınalda tájikstandyq Bahodýr Ýsmonovty jeńdi - 4:1.

Eske sala keteıik, budan buryn qazaqstandyq bes boksshynyń álem chempıonatynyń fınalyna shyǵý úshin synǵa túsetinin jazǵan bolatynbyz.

Qazaqstan quramasynan birinshi bolyp Sanjar Táshkenbaı fınalǵa ótti.

Sonymen birge Mahmud Sabyrhan, Dýlat Bekbaýov, Nurbek Oralbaı jáne ulttyq qurama kapıtany Aslanbek Shymbergenov te - fınalda.

Qytaı qazaǵy Toqtarbek Tańathan men qazaqstandyq Nurbek Oralbaı álem chempıonatynyń fınalynda altynǵa talasady.