Ózbekstan keler jyly da Aýǵanstanǵa elektr energııasyn eksporttaıdy

<p>TAShKENT. KAZINFORM &ndash; Ózbekstan men Aýǵanstan elektr energııasyn jetkizýge baǵyttalǵan kelisimdi 2025 jyldyń sońyna deıin uzartty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Da Afghanistan Breshna Sherkat (DABS) aýǵan energetıkalyq kompanııasynyń baspasóz qyzmetinen málim etkendeı, osy aptada Aýǵanstanǵa Ózbekstannyń Energetıka mınıstri Jýrabek Mırzamahmýdov bastaǵan delegatsııa barǵan.

Sapar aıasynda Jýrabek Mırzamahmýdov pen DABS kompanııasynyń bas dırektory Abdýl Barı Omar kezdesý ótkizip, taraptar 2025 jylǵa arnalǵan elektr energııasyn satyp alý kelisimine qol qoıdy.

DABS habarlaǵandaı, Ózbekstanmen aradaǵy kelisim eki el arasyndaǵy energetıkalyq yntymaqtastyqty nyǵaıtýǵa jáne Aýǵanstanǵa elektr energııasyn turaqty negizde jetkizýge baǵyttalǵan.

Eske salsaq, buǵan deıin elektr energııasy men gazdy zańsyz paıdalanǵan ózbekstandyqtar memleketke $12,4 mln shyǵyn keltirgenin jazyp edik.