Ózbekstan Qazaqstannyń EO-men yntymaqtastyq tájirıbesin zerttep jatyr – ÓR SІM

BRıÝSSELЬ. QazAqparat – Ózbekstan Qazaqstannyń Eýropalyq Odaqpen yntymaqtastyq tájirıbesin zerttep jatyr. Bul týraly Ózbekstan syrtqy ister mınıstri Abdýlazız Kamılov Eýropalyq Odaq pen Ózbekstan arasyndaǵy yntymaqtastyq jónindegi keńestiń qorytyndysy boıynsha baspasóz máslıhatynda málimdedi, dep habarlaıdy QazAqparat menshikti tilshisi.

«Biz jańa kelisim jasaý kezinde bul protsesti bizden buryn bastap, sátti aıaqtaǵan memleketterdiń, atap aıtqanda osy kelisimge qol qoıǵan Qazaqstannyń tájirıbesin esepke alamyz», - dedi Ózbekstan syrtqy saıası vedomstvosynyń basshysy.

«Bul protsestiń qalaı júzege asqanyn zerttep, ózimizge qorytyndy shyǵaramyz. Biz áriptesterimiz ben seriktesterimizge osy jolda yntymaqtastyq jasaǵany úshin alǵys aıtamyz», - dedi ol.

Onyń aıtýynsha, mundaı tájirıbe almasý Ózbekstan úshin «Eýropalyq Odaqpen yntymaqtastyqta óz pozıtsııasyn nyǵaıtý turǵysynan» paıdaly bolady.

Kórshi eldiń syrtqy ister mınıstri kelesi jyly Ózbekstan prezıdenti Brıýsselge saparlaıtynyn aıtty. Eýropalyq Odaq pen Ózbekstan arasyndaǵy yntymaqtastyq keńesinde talqylanǵan taqyryptardyń biri -saýda-ekonomıkalyq qatynastar. Yntymaqtastyqtyń osy salasynda birqatar túıtkildi tustar bolsa da, «sheshilmeıtin másele joq».

«Saýda-ekonomıkalyq qatynastardy qosa alǵanda, biz sheshetin máseleler barshylyq. Bizdiń oıymyzsha, búgingi tańda sheshilmeıtin problema joq. Bul máselelerdi sheshýge degen ózara tilek pen nıet bar», - dep atap ótti A.Kamılov.

EO iri sheteldik kıim kompanııalarynyń Ózbekstannyń maqta ónimderine qatysty boıkot týraly aıtatyn bolsaq, SІM basshysynyń aıtýynsha, qazirgi ýaqytta «barlyq máseleler kún tártibinen alynyp tastalǵan».

Avtor:

Tımýr Dúısekeev