Ózbekstan Qazaqstanǵa kelýge nıetti óz azamattaryna úndeý jasady

<p>TAShKENT. KAZINFORM &ndash; Ózbekstannyń Syrtqy ister mınıstrligi Qazaqstanǵa barýdy josparlap otyrǵan azamattarǵa qatysty úndeý jasap, kórshiles eldiń zańdaryn qatań saqtaýǵa shaqyrdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Qazaqstanǵa kelý tártipteriniń ózgerýine baılanysty vedosmstvo ózbekstandyqtardan jeke basyn kýálandyratyn qujattardy únemi ózimen birge alyp júrýin, sondaı-aq arnaıy resmı servıster arqyly ózine qatysty derekterdi tekserýge úndedi.

«Ózbekstan-Qazaqstan nemese Reseı-Qazaqstan shekarasyn kesip ótý kezinde tek Qazaqstanǵa emes, sonymen birge Reseıge de kirýge shekteý joq ekenine aldyn ala kóz jetkizý mańyzdy. «Ákimshilik jáne qylmystyq ister boıynsha sheshimderdi ózara taný jáne oryndaý týraly» Reseı men Qazaqstan arasyndaǵy kelisimge saı, qazaqstandyq quzyretti organdar Reseıdiń kóshi-qon jáne ózge de zańnamasyn buzǵandardy nemese tólenbegen aıyppuldardyń bar-joǵyn teksere alady. Eger joǵaryda atalǵan talaptardyń biri saqtalmaǵan jaǵdaıda Qazaqstan bıligi Ózbekstan azamatynyń elge kirýine nemese odan shyǵýyna jol bermeý sheshimin qabyldaýy múmkin», - delingen Ózbekstannyń Syrtqy ister mınıstrligi taratqan habarlamada.

Osyǵan baılanysty ózbekstandyqtarǵa Qazaqstan jáne Reseıge barý kezinde másele týyndamasy úshin Reseı Federatsııasy ІІM Kóshi-qon máseleleri jónindegi bas basqarmasynyń saıtynan ózderine qatysty shekteýdiń bar-joǵyn tekserip alý usynyldy.

Eske salaıyq, 1 mamyrdan bastap Qazaqstannyń búkil áýejaılarynda qaýipsizdik sharalary kúsheıtildi.