Ózbekstan IYU-nyń nagradasyn taǵaıyndaýdy usyndy
«Atalǵan ortalyqta bilim men tájirıbeniń oshaǵyna aınalady dep senemiz. Ol jerde birlesken zertteýlerdi júrgizýge bolady. Sondaı-aq biz ǵulama Ál-Horezmıge arnap jas matematıkterdiń halyqaralyq Olımpıadasyn ótkizýdi usynamyz. Sosyn Islam yntymaqtastyǵy uıymynyń musylman álemindegi ǵylymı jetistikteri úshin arnaıy nagradany taǵaıyndaǵan durys bolatyn edi» - dedi Mırzıeev.
Onyń oıynsha, Islam yntymaqtastyǵy uıymynyń ǵylym jáne tehnologııalar jónindegi sammıtin úsh jylda bir ret ótkizý kerek. Atalǵan bastama qoldaý tapsa, Ózbekstan 2020 jyldyń sammıtin óz elinde ótkizýge daıar.
Budan bólek, Ózbekstan basshysy alty iri kompıýterlik ortalyqtarynyń bireýin óz jerinde qurýǵa ázir ekenin jetkizdi. Islam yntymaqtastyǵy uıymy atalǵan ortalyqtardy musylman memleketterinde ashýdy kózdeıdi. Sondaı-aq Shavkat Mırzıeev ózbek jerinde sýper teleskoptyń ornatylatynyn jarııalady.
Aıta keteıik, sammıt kezinde Túrkııa basshysy Redjem Taıyp Erdoǵan musylmandar arasyndaǵy bilim berý máselesin kóterdi. Sebebi búginde álem boıynsha musylmandardyń jartysy saýatsyz . Sondaı-aq ol barshy musylmandardy Mıanmadaǵy shıelenisti birlesip sheshýge shaqyrdy.