Ózbekstan halqyna aýa lastanatyny eskertiletin bolady

<p>ASTANA. KAZINFORM &ndash; Ózbekstan 1 naýryzdan bastap shańdy daýyl turyp, atmosferalyq aýadaǵy usaq dıspersti bólshekter belgilengen normasynan asyp ketken jaǵdaıda halyqty habardar etetin bolady, dep jazady <a href="https://uza.uz/ru/posts/o-gosudarstvennoy-programme-po-realizacii-strategii-uzbekistan-2030-v-god-podderzhki-molodezhi-i-biznesa_570600" target="_blank" rel="noopener">Uza</a>.</p>

Bul Ózbekstan prezıdenti Shavkat Mırzıeevtiń 2024 jyldyń 21 aqpanyndaǵy «Ózbekstan-2030» Strategııasyn júzege asyrýdyń memlekettik baǵdarlamasyn bekitken jarlyǵynda kózdelgen.
Osy kúnnen bastap júrek-qan tamyrlary jáne tynys alý joldary aýrýlarymen aýyratyn adamdarǵa, sondaı-aq densaýlyǵy aýanyń lastanýyna sezimtaldyǵy joǵary basqa da azamattarǵa qajetti profılaktıkalyq is-sharalar týraly júıeli túrde aqparat berilýi tıis.

Jarlyqta, sondaı-aq, 1 naýryzdan bastap 500 sharshy metr jáne odan da kóp qurylys alańdarynda shań men qum bólshekteriniń aýaǵa kóterilýine jol bermeý boıynsha mindetti talaptar engizý kózdelgen.