Ózbekstan ǵarysh keńistigin zertteýge baǵyttalǵan halyqaralyq shartqa qosyldy

<p>TAShKENT. KAZINFORM &ndash; Ózbekstan prezıdenti Shavkat Mırzıeev &nbsp;Aı men basqa da aspan denelerin jáne jalpy ǵarysh keńistigin zertteý, paıdalaný jónindegi memleketter qyzmetiniń prıntsıpteri týraly shartty ratıfıkatsııalaıtyn zańǵa qol <a href="https://lex.uz/uz/pdfs/7148345" target="_blank" rel="noopener">qoıdy</a>, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Atalǵan qujat 1966 jyly 19 jeltoqsanda BUU Bas Assambleıasynyń qararymen qabyldanyp, Londonda qol qoıylǵan. Osy ýaqytqa deıin oǵan 114 el qosyldy, tıisinshe Ózbekstan qatysýshy 115-shi memleket boldy.

Olıı Májılıstiń Zań shyǵarýshy palatasy bul zańdy bıyl shildede qabyldady, al Senat ony tamyzda maquldady.

Buǵan deıin «O‘zbekkosmos» agenttiginiń bas dırektory Shýhrat Kadırov kelisimdi ratıfıkatsııalaý Ózbekstannyń halyqaralyq ǵaryshtyq jobalar men zertteýlerge qatysýyna, sondaı-aq ózge tájirıbe almasýǵa múmkindik ashatynyn atap ótti.

«Ǵaryshtyq qyzmet jahandaný jáne álemdik qaýymdastyqty aqparattandyrý protsesinde mańyzdy orynǵa ıe. Álemniń barlyq jetekshi jáne kóptegen damýshy elderi ǵarysh keńistigin zertteý jáne paıdalaný boıynsha ǵylymı zertteýler júrgizedi. Bul rette ǵaryshtyq áleýet ekonomıka, qorǵanys, ǵylymı, áleýmettik-mádenı jáne halyqaralyq múddelerdi ilgeriletý úshin qajet», - delingen Senattyń túsindirmesinde.

Eske sala keteıik, Qazaqstan atalǵan shartqa 1997 jyly 15 mamyrda qosylǵan bolatyn. Sol ýaqyttan beri el mamandary túrli zertteýlerge qatysyp, tájirıbe almasyp keledi.