Ózbekstan ekinshi aı qatarynan altyn satyp alý boıynsha álemde kósh bastady

<p>TAShKENT. KAZINFORM &ndash; Ózbekstannyń Ortalyq banki ekinshi aı qatarynan álemdegi eń iri altyn satyp alýshylardyń qatarynda boldy. Maýsym aıynda el 9 tonna qymbat metall satyp alsa, shildede bul kórsetkish 9,6 tonnany quraǵan.&nbsp;</p>

Shilde aıynda Ózbekstan álemdegi eń iri altyn satyp alýshylardyń biri boldy, dep habarlady Dúnıejúzilik altyn keńesi (World Gold Council).

Bir aıda álemdik ortalyq bankterdiń rezervteri 37 tonnaǵa ósti. KAP Depo ınvestıtsııalyq kompanııasynyń habarlaýynsha, baǵaly metaldyń negizgi satyp alýshylary Polsha Ulttyq banki – 14,3 tonna, Ózbekstannyń Ortalyq banki – 9,6 tonna, Úndistannyń rezervtik banki – 5,4 tonna boldy.

Odan keıingi oryndardy Iordanııa (4,3 tonna), Túrkııa (3,8 tonna), Katar (2,3 tonna), Chehııa (1,6 tonna) ıelendi.

Eń kóp altyn satýshylar Qazaqstan (3,9 tonna) men Mońǵolııa (0,7 tonna) boldy.

Shildedegi satyp alýlardyń arqasynda Ózbekstannyń Ortalyq banki jyl basynan beri taza altyn satýshydan taza altyndy satyp alýshyǵa aınaldy. Maýsym aıynda regýlıator 9 tonna qymbat metall satyp aldy.