Ózbekstan COVID-19 statıstıkasyna pnevmonııany da engizetin boldy

TAShKENT. QazAqparat – Búginnen bastap Ózbekstannyń Densaýlyq saqtaý mınıstrligi COVID-19 statıstıkasyna pnevmonııa jaǵdaılaryn da engizetin boldy, dep habarlaıdy QazAqparat.

Vedomstvonyń málimeti boıynsha, ótken táýlikte respýblıkada koronavırýs juqtyrýdyń 496 jaǵdaıy, pnevmonııamen aýyrýdyń 172 jaǵdaıy tirkelgen.

Osy ýaqytqa deıin Ózekstan Densaýlyq saqtaý mınıstrligi statıstıkaǵa tek testileýmen rastalǵan koronavırýs jaǵdaılaryn engizip kelgen bolatyn.

Al ınfektsııalyq statsıonarlarda pnevmonııadan emdelgender COVID-19 statıstıkasynde eskerilmeı kelge.

Ózbekstandyq mamandardyń aıtýynsha, jańa ádisteme qalyptasqan epıdemıologııalyq jaǵdaıdy naqty baǵalaýǵa múmkindik bermek.

Óıtkeni resmı statıstıka aýrýhanalar men ınfektsııalyq statsıonarlardyń jumys júktemesi joǵary ekenin kórsetip otyr.

28 maýsymnan bastap Ózbekstanda epıdemıologııalyq jaǵdaıdyń ýshyǵýyna baılanysty karantındik sharalar kúsheıtilgen bolatyn.

Ózbekstan astanasy eki aptalyq karantınge jabylyp, qalada qosymsha 2 myń oryndyq rezervi bar COVID- ortalyq ashyldy.