TAShKENT. KAZINFORM — Ózbekstan prezıdenti Shavkat Mırzıeev Tájikstanmen odaqtastyq qarym-qatynas ornatý kelisimin ratıfıkatsııalady, dep habarlaıdy Kazinform agenttiginiń menshikti tilshisi.
Aıta keteıik, byltyr sáýirde Ózbekstan basshysynyń Tájikstanǵa jasaǵan memlekettik sapary barynda qos el prezıdentteri odaqtastyq qarym-qatynas ornatýǵa ýaǵdalasqan bolatyn. Qujatqa saı, ózbek-tájik baılanystaryn bekemdep, yntymaqtastyqty jańa deńgeıge shyǵarý josparlanǵan.
Eske salsaq, Qazaqstan men Ózbekstan arasynda odaqtastyq qarym-qatynas ornatý shartyn resmı Tashkent 2023 jyly, al Astana byltyr ratıfıkatsııalady. Kelisim eki eldiń derbestigin, aýmaqtyq tutastyǵyn jáne ornyqty ekonomıkalyq damýyn odan ári nyǵaıtýǵa baǵyttalǵan.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.