Ózbekstan azamattaryn AQSh-qa «jibermek bolǵandar» ustaldy

<p>Ózbekstannyń birqatar oblysynda Memlekettik qaýipsizdik qyzmetiniń qyzmetkerleri ishki ister organdarymen birlesip, zańsyz kóshi-qonǵa qarsy kúres boıynsha jedel sharalar júrgizdi, dep habarlaıdy Kazinform Ózbekstan Memlekettik qaýipsizdik qyzmetiniń&nbsp;<a href="https://t.me/xavfsizlik_uz/967" target="_blank" rel="noopener">baspasóz qyzmetine</a>&nbsp;silteme jasap.</p>

Atap aıtsaq, Ózbekstan Respýblıkasy Memlekettik komıtetiniń Samarqand oblystyq basqarmasynyń qyzmetkerleri ótkizgen jedel is-sharada Samarqand qalasynyń 44 jastaǵy turǵyny jergilikti azamattyń senimine kirgen. Ony Meksıka arqyly Amerıka Qurama Shtattaryna jiberýge ýáde berip, aqysyna 25 myń dollar talap etken. Alaıda qujattardy tirketý úshin dep aldyn ala 15 myń dollar alý kezinde qolǵa tústi.

Sondaı-aq Pastdarǵom aýdanynyń 32 jastaǵy turǵyny Kattaqorǵan aýdanyndaǵy 27 jastaǵy tanysymen kelise otyryp, jergilikti azamattyń senimine kirgen. Ony Túrkııa – Armenııa – Nıkaragýa - Meksıka baǵyty boıynsha AQSh-qa jiberýge ýáde etken. Qyzmet aqysyna 23 myń dollar suraǵan. Biraq olar aldyn ala 12 myń dollar alǵan kezde ustaldy.

Ulttyq qaýipsizdik qyzmetiniń Ferǵana oblysy boıynsha departamenti qyzmetkerleri oblystyq ІІB-men birlesip ótkizgen jedel is-sharada Ándijan aýdanynda turatyn 24 jastaǵy azamat Qoqan qalasynyń turǵynyn Amerıkaǵa «jibermek bolǵan». Ol 10 myń dollar alyp jatqan jerinde quryqtaldy.

Atalǵan faktiler boıynsha qylmystyq ister qozǵalyp, tergeý amaldary júrgizilip jatqany habarlandy.