Ózbekstan Aýǵanstanmen shekarasyn ýaqytsha japty

TAShKENT. ÓzA-QazAqparat –Densaýlyq saqtaý mınıstrligi men birqatar múddeli taraptardyń usynysy boıynsha Respýblıkalyq arnaıy komıssııa Aýǵanstan Islam Respýblıkasynda koronavırýs ınfektsııasy boıynsha epıdemıologııalyq jaǵdaıdyń ýshyǵyp kele jatqandyǵyn eskere otyryp, ózbek-aýǵan shekarasy arqyly azamattardyń ótýin ýaqytsha toqtatý týraly sheshim qabyldady. Bul týraly QazAqparat ÓzA agenttigine silteme jasap habarlaıdy

DSM-niń málimetinshe, Aýǵanstan Islam Respýblıkasynyń azamattaryna týrıstik vızalar berý, sondaı-aq týrıstik agenttikterden vızalyq ótinishterdi qabyldaý da toqtatylady.

Tek, «Termiz-Avtojol» shekara beketi arqyly kelesi sanattaǵy azamattar men kólik quraldaryna ótýge ruqsat berilgen:

dıplomatııalyq ókildikterdiń, konsýldyq mekemelerdiń jáne halyqaralyq uıymdardyń qyzmetkerleri jáne olardyń otbasy músheleri;

halyqaralyq júk tasymaldaýmen aınalysatyn júrgizýshiler;

óz eline qaıtyp jatqan Ózbekstan Respýblıkasy men Aýǵanstan Islam Respýblıkasynyń azamattaryna ruqsat.

Sondaı-aq, «Termiz-Avtojol» shekara beketi arqyly Ózbekstan Respýblıkasyna keletin adamdar tarapynan ótkizý pýnktinde jumys isteıtin arnaıy klınıka nemese zerthanada antıgendi ekspress-testiniń teris nátıjesi bolǵan jaǵdaıda, ol ÓR aýmaǵyna qabyldanady. Koronavırýs ınfektsııasynyń oń nátıjesi bar Ózbekstan Respýblıkasynyń azamattary oblystaǵy arnaıy klınıkalarǵa emdelýge jiberiledi.

Koronavırýs ınfektsııasynyń oń nátıjesin kórsetken shetel azamattary Ózbekstan Respýblıkasynyń aýmaǵyna kirgizilmeıdi.

Budan bólek, synaq retinde sanıtarlyq-epıdemıologııalyq qadaǵalaý jáne qoǵamdyq densaýlyq saqtaý qyzmeti Ózbekstan Respýblıkasyna shekara beketteri arqyly kiretin barlyq azamattardan, el aýmaǵyna kirgennen keıin 7 kúnge deıin koronavırýs ınfektsııasyna polımeraza tizbekti tekserý ótkizilip, synaq shyǵyndaryn memlekettik bıýdjetten óteý júıesi engiziledi.