Ózbekstan astanasynda 3-4 baldyq jer silkinisi sezildi
02:51, 23 Qańtar 2024
<p>TAShKENT. KAZINFORM – Tashkent qalasynda jáne Ózbekstannyń basqa da aımaqtarynda 3-4 baldyq jer silkinisi boldy. Onyń epıtsentri Qyrǵyzstanmen shekaralas Qytaıdyń Shyńjań-Uıǵyr avtonomııalyq aýdanynda ornalasqan. Jer silkinisiniń magnıtýdasy 7 ball, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>
Dúısenbi kúni saǵat 23:13-te Tashkentte jáne Ózbekstannyń ózge de aımaqtarynda jer silkinisi tirkeldi. Ózbekstan astanasy turǵyndarynyń aqparaty boıynsha, joǵarǵy qabattardaǵy terbelister 30-40 sekýndqa sozyldy.
Ózbekstan TJM respýblıkalyq seısmoprognostıkalyq monıtorıng ortalyǵy epıtsentr Qyrǵyzstan shekarasyna jaqyn Qytaıdyń Shyńjań-Uıǵyr avtonomııalyq aýdanyndaǵy Aqsý okrýginde bolǵanyn málim etti.
Epıtsentrdegi jer silkinisiniń magnıtýdasy 7 ball boldy. Onyń tereńdigi - 15 km. Epıtsentrden Tashkentke deıingi qashyqtyq 862 shayqyrym.
Tashkentte sezilgen jer asty dúmpýleriniń kúshi - 3 ball. Al, Andıjan, Ferǵana jáne Namanǵan oblystarynda (epıtsentrden 600-650 km) - 3-4 baldy qurady.