Ózbekstan ardagerleri qazaqstandyq ınternatsıonalıst-jaýyngerlerdi quttyqtady

TAShKENT. QazAqparat – Tashkent Aýǵanstanda ınternatsıonaldyq boryshyn ótegen burynǵy Keńes Odaǵy respýblıkalarynyń sarbazdary úshin úıge aparar jol boldy. Bul týraly QazAqparat tilshisine bergen suhbatynda Keńes áskerleriniń Aýǵanstan jerinen shyǵarylǵan kúnine arnalǵan «Paryz, Ar-namys, Estelik» sharasyn uıymdastyrýshylardyń biri, Ózbekstannyń «Ardager» birlestiginiń múshesi Sultanbek Hakimov.

«Búgin Keńes Odaǵy áskerleriniń Aýǵanstan shekarasynan asqanyna 33 jyl tolyp otyr. Shaıqastar aıaqtalady, al tarıh – máńgi. Aýǵan soǵysy da tarıh bolyp qaldy. Degenmen adamdar ony umytpaq emes, sebebi onyń tarıhy sarbazdar qanymen, analardyń kóz jasymen jazylǵan», - dedi ardager.

Ol ınternatsıonalıst jaýyngerlerdiń «Eshkim de, eshteńe de umytylmaıdy» degendi basqalaryna qaraǵanda, jaqsy túsinetinin aıtyp ótti. Olar soǵysta qaza tapqan dostaryn eshqashan umytpaıdy, qazirgi kezde TMD jáne alys elderde turatyn jaýynger dostarymen habarlasyp otyrady. «Bizdiń ultymyz joq, abyroımen ınternatsıonaldyq paryzymyzdy oryndadyq. Tashkent burynǵy Keńes Odaǵy respýblıkalarynyń jaýyngerleri úshin úıge aparar jol boldy. Meniń janymda qazaqstandyqtar kóp boldy: Smaǵulov Saılaý, Dolbaǵaev Berik, Toqbosynov Ermek jáne taǵy basqalary. Dostarym, sendermen maqtanamyn, sendermen birge qyzmet etkenime qýanamyn. Baýyrlarym, barlyǵyńyzdy búgingi aıtýly kúnmen quttyqtaımyn, beıbitshilik, jaqsylyq, ashyq aspan tileımin. Barlyq qaza bolǵandar ımandy bolsyn», - dep quttyqtady qazaqstandyq ınternatsıonalıst-jaýyngerlerji Sultanbek Hakimov.

Shara aıasynda «Tabandylyq odasy» eskertkishine gúl qoıý rásimi ótti. Odan keıin sarbazdarǵa arnap kontsert qoıylyp, onda áskerı ánderdi shyrqaldy, artynsha áskerı dastarhan jaıyldy.