TAShKENT. KAZINFORM — 2026 jyldyń 1 qańtarynan bastap Ózbekstan AQSh azamattary úshin 30 kúndik vızasyz rejım engizedi, dep habarlaıdy Kazinform agenttiginiń menshikti tilshisi.
UzA aqparat agenttiginiń málimetinshe, 3 qarashada Ózbekstan prezıdenti Shavkat Mırzıeev tıisti jarlyqqa qol qoıdy. Bul sheshim eki el arasyndaǵy saýda-ekonomıkalyq, mádenı jáne gýmanıtarlyq baılanystardy nyǵaıtý maqsatynda qabyldandy.
Naqtylaı keteıik, 2021 jyldan beri tek 55 jastan asqan AQSh azamattaryna Ózbekstanǵa vızasyz saıahattap kelýge ruqsat berilgen bolatyn.
Eske salsaq, Ózbekstan men Qytaı arasynda vızasyz rejım engizýge baǵyttalǵan kelisim bıyl maýsymda kúshine engen bolatyn. Sondaı-aq, bıyl qańtar-tamyz aılary aralyǵynda 5 myńnan astam qazaqstandyq Ózbekstanda em alǵan.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.