Ózbekstan AES qurylysyna sheteldik kompanııalardy tartýǵa nıetti

<p>TAShKENT. KAZINFORM &ndash; Ózbekstan astanasynda ótken halyqaralyq konferentsııa aıasynda BAQ ókilderiniń saýalyna jaýap bergen AES qurylysy dırektsııasynyń dırektory Otabek Amanov energetıkalyq nysandy salý boıynsha atqarylyp jatqan jumystardy baıandady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Otabek Amanovtyń aıtýynsha, qazir qurylys alańynda agrometeorologııalyq, gıdrologııalyq, gıdrogeologııalyq jáne seısmologııalyq baqylaý júrip jatyr.

«Sondaı-aq, alańda qurylysshylar turatyn qalashyqty salý úshin daıyndyq júrgizilýde. Onda qurylys qyzǵan ýaqytta 10 myń qyzmetker bolady. Sonymen qatar, biz atom elektr stantsııasyn jobalaý isin qolǵa aldyq. Búginde reseılik delegatsııa osynda (Tashkent – avt.) jáne az qýatty AES-tiń jobalyq qujattamasyn ázirleýge arnalǵan tehnıkalyq tapsyrmany zerdelep jatyrmyz. Buǵan qosa, biz tehnıkalyq-ekonomıkalyq negizdemeni ázirleıtin ınstıtýttardy tańdadyq», - dedi Otabek Amanov.

Foto: Álıhan Asqar/Kazinform

Jaýapty vedomstvo ústimizdegi jyldyń sońyna deıin qurylysshylar turatyn qalashyq pen qurylys-montajdaý bazasyn salýdy bastaýǵa nıetti.

«AES salý úshin biz onda sheberhana, arnaıy tehnıkaǵa arnalǵan garaj, beton aralastyratyn qurylǵy, armatýra tsehtaryn qurýymyz qajet. Munyń ózi tutas keshen bolady. Sondyqtan bıyl osy jumysty bastaımyz. Sonymen qatar, biz jobanyń tehnıkalyq-ekonomıkalyq jáne qaýipsizdik negizdemesin, qorshaǵan ortaǵa áser etý jónindegi jobasyn ázirleýdi bastaımyz. Atom elektr stantsııasyn salýǵa ruqsat alý úshin osy 3 qujat qajet», - dep toqtaldy Otabek Amanov.

Foto: Álıhan Asqar/Kazinform

Spıker atap ótkendeı, Ózbekstan Atom energııasy jónindegi halyqaralyq agenttik qoıatyn atalǵan talaptardy tolyq oryndap, 2026 jyldyń basynda energobloktyń irgetasyna alǵashqy betondy quıý úshin ruqsat alýdy josparlap otyr.

Munymen birge, ózbek tarapy AES qurylysyna sheteldik kompanııalardy tartý múmkindigin de qarastyryp jatyr.

«Atom stantsııasy eki iri keshennen turady - bul negizgi ıadrolyq bólik jáne qosalqy nysan. Negizgi nysandy bas merdiger - «Rosatom» salady. Al qosalqy keshenniń qurylysyna halyqaralyq kompanııalardyń qatysqanyn qalaımyz, óıtkeni bul halyqaralyq joba. Qazir atalǵan baǵyttaǵy máselelerdi talqylap jatyrmyz», - dedi Otabek Amanov.

Foto: Álıhan Asqar/Kazinform

Málim bolǵandaı, qazir resmı Tashkent az qýatty AES jobasyn qarjylandyrý boıynsha sheteldik jáne otandyq banktermen kelissóz júrgizip jatyr.

«Eýropanyń, Reseıdiń jáne ózimizdiń jergilikti banktermiz bar. Bul rette ınfraqurylymnyń keıbir bóligin jergilikti merdigerler salatynyn atap ótkim keledi. Bankterdiń usynysy Ekonomıka jáne qarjy mınıstrligimen, sondaı-aq Ortalyq bankpen kelisiledi», - dedi ol BAQ ókilderiniń saýalyna jaýap bere otyryp.

Foto: Álıhan Asqar/Kazinform

Eske salaıyq, Ózbekstanda reseılik tehnologııa boıynsha óńirdegi alǵashqy az qýatty atom elektr stantsııasy salynady.

Árqaısysynyń qýaty 55 MVt bolatyn 6 reaktor (jalpy qýaty – 330 MVt) Djızak oblysyndaǵy Týzkan kólinde boı kóterdi. AES-tiń alǵashqy rekatory 2029 jyldyń sońynda iske qosylmaq. Al ol tolyq qýatta 2033 jyldan bastap jumys istemek.

Osyǵan saı, taıaýda Ózbekstan men Reseı AES salý kelisimshartynyń kúshine ený hattamasyna qol qoıdy.