Ózbekstan 2030 jylǵa qaraı AITV taralýyna tolyǵymen tosqaýyl qoımaq

TAShKENT. QazAqparat – Ózbekstan 2030 jylǵa qaraı AITV/JITS taralýyn tolyq joımaqshy. Bul týraly baspasóz máslıhatynda sanıtarlyq-epıdemıologııalyq salaýattylyq jáne qoǵamdyq densaýlyq saqtaý komıteti men JITS-pen kúres jónindegi respýblıkalyq ortalyqtyń basshylary málimdedi, dep habarlaıdy QazAqparattyń menshikti tilshisi.

Qazirgi ýaqytta respýblıkada 48 myńnan astam adamnan AITV tabylǵan.

Sońǵy 5 jylda AITV ınfektsııasyna test tapsyrǵandar sany 5 ese ósip, 3,5 mıllıon adamǵa jetken.

Memlekettik dári-dármekti qarjylandyrý - 80%.

AITV ınfektsııasy anadan balaǵa berilmes úshin respýblıkada jyl saıyn naýqas anadan týǵan balalar qurǵaq sút untaǵymen qamtamasyz etilip otyr.

Osy sharanyń arqasynda 99,7% balanyń deni saý.

AITV epıdemııasyn 2030 jylǵa qaraı toqtatý úshin «95-95-95» maqsatyna jetý kerek.

ıAǵnı, 2025 jylǵa qaraı AITV juqtyrǵandardyń 95%-y óz statýsyn biledi.

Naýqastardyń 95%-y arnaıy terapııa qabyldaıdy jáne aýrýlardyń 95%-ynda basqa adamdarǵa berilmeıtin tómen vırýs qýaty bolady.

Bul jumystyń barlyǵy 2030 jylǵa qaraı AITV/JITS-tyń taralýyn tolyq toqtatýǵa baǵyttalǵan.