Ózbek-tájik shekarasynda 90 kelige jýyq esirtkiniń aýyr túrleri tárkilendi

<p>Ózbekstan men Tájikstan shekarasynda iri kólemde esirtki tasymaldaý faktisi anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Ózbekstan Memlekettik qaýipsizdik qyzmetiniń málimetine saı, jedel-izdestirý is-sharalarynyń nátıjesinde Shekara áskeri qyzmetshilerimen birlesip, Surhandarııa oblysynda Tájikstannan ákelingen esirtkiniń iri partııasy tárkilendi.

«Saryasy aýdany Chashma eldi mekeniniń aýmaǵy arqyly ótetin ózbek-tájik memlekettik shekarasynyń ýchaskesinde 39 keli 409 gramm geroın, 35 keli 745 gramm apıyn, 14 keli 545 gramm gashısh anyqtaldy», - delingen Memlekettik qaýipsizdik qyzmetiniń málimetinde.

Vedomstvodan atap ótkendeı, bul fakti boıynsha Qylmystyq kodekstiń 246-babynyń 2-bóligi (Kontrabanda) boıynsha is qozǵalǵan. Qazir jalpy salmaǵy 89 keli 699 gramm bolatyn esirtkiniń kimge tıesili bolǵanyn anyqtaý boıynsha tıisti sharalar qabyldanyp jatyr.