Ózbek sýmy dollarǵa shaqqanda aıtarlyqtaı qunsyzdanǵan valıýtalar qataryna endi

<p>ASTANA. KAZINFORM - Ózbek sýmy sońǵy on jylda AQSh dollaryna qatysty eń qunsyzdanǵan ulttyq valıýtalar tiziminde 8-shi oryndy ıelendi. Reıtıngti <a href="https://creativeplanning.com/" target="_blank" rel="noopener">Creative Planning</a> kapıtaldy basqarýshy kompanııasy qurastyrǵan.</p>

Sońǵy 10 jylda ózbek sýmy dollarǵa qatysty 82,3%-ǵa álsiredi, bul postkeńestik elderdiń valıýtalary arasyndaǵy eń nashar kórsetkish. Sondaı-aq, ýkraın grıvnasy 77,5%-ǵa, qazaq teńgesi 65,4%-ǵa, reseı rýbli 61,3%-ǵa, tájik somonısi 56,3%-ǵa, qyrǵyz somy 43,3%-ǵa qunsyzdandy.

Ortalyq Azııadaǵy eń turaqty valıýta túrikmen manaty boldy, ol nebári 18,4%-ǵa qunsyzdandy.
Armıan dramy men shveıtsarııalyq frank sońǵy onjyldyqta dollarǵa qatysty qymbattaǵan eki valıýta – sáıkesinshe, +1,1 jáne 3,1%.

Eń qunsyzdanǵan valıýta Venesýela bolıvary boldy, ol on jyl ishinde derlik 100%-ǵa qunsyzdandy.

Sırııa fýnty (-99,1%), argentınalyq peso (-99,1%), túrik lırasy (-92,3%) jáne Sýrınam dollary da (-91,2%) álsiregen valıýtalar qatarynda.